காஸா பகுதியிலுள்ள கான்யூனுஸ் என்ற இடத்தின் மீது இத்தாக்குதல் நடந்ததாகக் கூறப்படுகிறது. மோட்டார் சைக்கிளில் சென்று கொண்டிருந்தவர் இந்த தாக்குதலில் பலியானதாக பாலஸ்தீன அதிகாரிகள் கூறினார்கள்.

இஸ்ரேலுடன் சன்டை நிறுத்த ஒப்பந்தம் சில தினங்களில் ஏற்படக்கூடும் என்று காஸா பகுதியைத் தன் வசம் வைத்திருக்கும் ஹமாஸ் இயக்கம் இன்று கூறியிருந்த நிலையில் இச்சம்பவம் நிகழ்ந்துள்ளது.

பலியான நபர் இஸ்ரேலைத் தாக்கத் திட்டமிருந்ததாகவும் அதனால்தான் தாக்குதல் நடத்தி அவரைக் கொன்றதாகவும் இஸ்ரேலிய இராணுவ அதிகாரிகள் கூறியதாக அசோசியேட் பிரஸ் தகவல் வெளியிட்டுள்ளது.