உலகப் பொருளாதார சீர் குலைவால் ஐரோப்பிய நாடுகளும் அமெரிக்காவும் மிகவும் பாதிக்கப் பட்டுள்ளன. பல்லாயிரக் கணக்கானோர் வேலை இழந்துள்ளனர். அடுத்த ஆண்டு பிரான்சில் வேலையற்றோர் விகிதம் 10 சதவீதமாக இருக்கும் என்று கணிக்கப் பட்டுள்ளது. இந்நிலையில் தங்கள் வேலைக்கும் தாங்கள் பெறும் ஊதியத்திற்கும் உத்தரவாதம் தரக் கோரி பிரான்சில் இந்த வேலை நிறுத்தப் போராட்டம் நடைபெறுகிறது.

பொருளாதார நெருக்கடியிலிருந்து மீளும் முயற்சியாக பல பில்லியன் யூரோ உதவிகளை வங்கிகளுக்கு வழங்கும் பிரெஞ்சு அரசு, தொழிற் கூடங்களுக்கும் மற்ற வணிக நிறுவனங்களுக்கும் மிகக் குறைந்த அளவு உதவி செய்கிறது என்று பிரெஞ்சு அரசு மீது மக்கள் குற்றம் சுமத்துகின்றனர்.

இன்றைய வேலை நிறுத்தத்தால் போக்குவரத்து, கல்விக் கூடங்கள் மற்றும் சுகாதாரப் பணிகள் வெகுவாகப் பாதிக்கப்படும் என்று கூறப்படுகிறது.