கடந்த நான்கு நாட்களாக பாலஸ்தீனத்தின் காஸா பகுதியில் அரசு அலுவலகங்கள், சிறைக் கூடம், தொலைக்காட்சி நிலையம், மசூதி என்று பல்வேறு பகுதிகளிலும் இஸ்ரேல் குண்டுகளை வீசி வருகிறது. இதில் 350க்கும் மேற்பட்டோர் கொல்லப்பட்டுள்ளதாகவும் 1000க்கும் அதிகமானோர் காயமுற்றுள்ளதாகவும் தகவல்கள் கூறுகின்றன. இந்நிலையில் நேற்று ஹமாஸ் இயக்கத்தினர் இஸ்ரேலின் மீது ராக்கெட்களை வீசினர். இவை நீண்டதூரம் சென்று இஸ்ரேலின் உள்பகுதியைத் தாக்கியதாகவும் இதில் இராணுவ வீரர் ஒருவர் உள்பட நான்கு பேர் கொல்லப்பட்டதாகவும் தகவல்கள் கூறுகின்றன. காஸா பகுதியிலிருந்து 23 கி.மீ.தூரத்தில் உள்ள அஷ்துத் எனும் ஊரின் பேருந்து நிலையம் அருகே ஹமாஸ் வீசிய ராக்கெட் விழுந்து ஒரு பெண்மணி இற்ந்ததாக தகவல்கள் கூறுகின்றன.