Inneram.com

லட்ச ரூபாய் நானோ கார் இன்று முறைப்படி அறிமுகம் ஆகிறது.

மூன்று மாடல்களில் வெளியாகும் நானோ கார்களில், டீலர்களுக்கு சப்ளை செய்யப்படும் அடிப்படை மாடலின் விலை ரூ.1 லட்சம். கமிஷன் மற்றும் வரிகள் கூடுதலாக ரூ.20,000 வரை ஆகலாம்.

உலக நாடுகள் கடும் நிதி நெருக்கடியை சந்தித்து வரும் நிலையில், நானோ காருக்கு வரவேற்பு உள்ளது. எனவே, ஐரோப்பிய நாடுகளுக்கு நானோ காரை ஏற்றுமதி செய்ய டாடா மோட்டார்ஸ் முடிவு செய்துள்ளது.

நானோ வருகையைத் தொடர்ந்து அதற்குப் போட்டியாக பஜாஜ் நிறுவனம் 2011ல் தனது ரூ.1.25 லட்சம் காரை வெளியிட தயாராகி வருகிறது.

டாடா நிறுவனத்தின் தயாரிப்பில் உலகத்தின் மிக விலை குறைந்த கார் 'நானோ' மார்ச் 3ம் தேதி விற்பனைக்கு வரும் என்று தெரிகிறது.

டாடா நிறுவனர் ஜாம்செட்ஜி டாடாவின் நூற்றாண்டு பிறந்த நாள் மார்ச் 3 என்பதால் அந்நாள் தேர்ந்தெடுக்கப்பட்டதாக செய்திகள் தெரிவிக்கின்றன எனினும் டாடா நிறுவனம் இச்செய்தியை இதுவரை உறுதி செய்யவில்லை.