Inneram.com

வங்கதேசத்தின் கடலோரப் பாதுகாப்பு மற்றும் அதன் கடல் எல்லைப் பாதுகாப்புப் பணியில் வங்கதேசத்திற்கு உதவ அமெரிக்கா தயாராக இருப்பதாக செய்திகள் வெளியாயின.

தெற்கு மற்றும் மத்திய ஆசியாவிற்கான அமெரிக்க வெளியுறவுத் துணைச் செயலர் ரிச்சர்ட் பவுச்சர் தமது இரண்டு நாள் வங்கதேச சுற்றுப் பயணத்தை முடிவில் செய்தியாளர்களிடம் பேசும்போது, வங்கதேசத்தின் கடலோரப் பாதுகாப்புப் பணியை இன்னும் சிறப்பாகச் செய்யலாம். வங்கதேசம் விரும்பினால் நாங்கள் உதவத் தயாராக இருக்கிறோம் என்று கூறினார்.

அமெரிக்கா வங்கதேசத்தில் இராணுவ தளம் அமைக்கத் திட்டமிடுகிறது என்ற தகவலை அவர் மறுத்தார். வங்கதேசத்தில் நிரந்தரமாக இருக்கும் திட்டம் எதுவும் இல்லை என்று அவர் கூறியதாக பத்திரிகைகள் செய்தி வெளியிட்டுள்ளன.

அமெரிக்கா பல்வேறு நாடுகளில் பொதுப்பணித்துறை, காவல் துறை மற்றும் இராணுவம் போன்ற துறைகளில் அரசுகளுடனும் தனியார் ஏஜென்சிகளுடன் இணைந்து பல்வேறு பணிகளைச் செய்து வருகிறது என்றும் அவர் கூறினார்.

வங்காள விரிகுடா கடல் எல்லையில் வங்கதேசத்திற்கும் மியான்மருக்கும் பிரச்சனை இருந்து வருகிறது.

இந்திய வெளியுறவுத்துறை அமைச்சர் பிரனாப் முகர்ஜி இன்று வங்கதேசப் பயணம் மேற்கொண்டுள்ளது குறிப்பிடத் தக்கது.

விவசாயம் மற்று இரயில்வே போக்குவரத்தில் மியான்மர் இந்தியாவின் உதவியைக் கோரியது. இந்திய இரயில் என்ஜின்களை வாங்குவதற்கு மியான்மர் ஆர்வம் தெரிவித்துள்ளது.

முன்னதாக அன்சாரி நேற்று ஜெனரல் மெளங் ஆயேவுடன் பேச்சுவார்த்தை நடத்தினார். இந்த பேச்சுவார்த்தை நல்ல முன்னேற்றம் காணப்பட்டதாக வெளியுறவுத் துறை அதிகாரி கூறினார்.