Inneram.com

இலங்கையில் தமிழர்கள் மீது தொடுக்கப்பட்டு வரும் தாக்குதலைக் கண்டித்து ஆஸ்திரேலியாவில் நூற்றுக் கணக்கான தமிழர்கள் போராட்டம் நடத்தினர்.

சிட்னியில் முக்கியப் பகுதியில் நடைபெற்ற இப்போராட்டத்தில் சிட்னி, மெல்போர்ன் மற்றும் கன்பெர்ரா ஆகிய பகுதிகளிலிருந்து தமிழர்கள் 800க்கும் அதிகமானோர் கலந்து கொண்டனர். சிட்னியின் மார்ட்டின் ப்ளேஸ் பகுதியில் புறப்பட்ட பேரணி டவுன் ஹால் வரை சென்றது.

ஆஸ்திரேலியாவின் விக்டோரியா மாநிலத் தலைநகர் மெல்போர்னை ஒட்டியுள்ள பகுதிகளில் கடும் காட்டுத்தீ பரவி கடும் நாசத்தை ஏர்படுத்தி வரும் செய்தியை முன்னர் பதிந்திருந்தோம். தற்போது இக்காட்டுத்தீ மேலும் பரவி 170 உயிர்களை இதுவரை பலி கொண்டுள்ளது. சாவு எண்ணிக்கை மேலும் அதிகரிக்கக் கூடும் என அரசு அலுவலர்கள் அச்சம் தெரிவித்துள்ளனர்.

காட்டுத்தீயிலிருந்து தப்பிக்கக் கார்களில் ஏறிப் புறப்பட முயன்ற போது காரிலிருந்தவாறே எரிந்து தீயில் கருகிப் பலர் இறந்துள்ளது தற்போது தெரிய வந்துள்ளது.

ஆஸ்திரேலிய வரலாற்றில் மிகக் கடுமையான இயற்கைப் பேரழிவாக இதைக் கருதுவதாக ஆஸ்திரேலியப் பிரதமர் கெவின் ரட் தெரிவித்துள்ளார்.

மெர்போர்ன் நகருக்கு அருகில் கடும் சூட்டின் காரணமாகப் படர்ந்தக் காட்டுத்தீயில் சுமார் 100 க்கும் அதிகமானோர் உயிரிழந்துள்ளனர். நூற்றுகணக்கானோர் படுகாயமடைந்துள்ளனர்.

நேற்று மெல்போர்ன் நகரில் உச்சபட்சமாக 46.7 டிகிரி வெப்பம் பதிவாகியிருந்தது. கடும் வெப்பத்தின் காரணமாக இரண்டாயிரம் சதுர கிலோமீட்டருக்கும் அதிகமாக காட்டுத்தீ பரவியுள்ளது. இதனால் கடும் நாசம் விளைந்துள்ளது. பல கிராமங்கள் முழுமையாக தீக்கு இரையாகியுள்ளன. உயிரிழந்தோரின் எண்ணிக்கை மேலும் அதிகமாகும் என அஞ்சப்படுகிறது.

வெப்பக்காலத்தில் ஆஸ்திரேலியாவில் காட்டுத்தீ பரவுவது ஆண்டுதோறும் நடக்கும் ஒரு சம்பமாகும். இவ்வாண்டு தாக்கிய மிக அதிகபட்ச வெப்பமே இதற்குக் காரணம் எனக் கூறப்படுகிறது. தீயணைப்புத் துறையினர் மிகுந்த சிரமங்களுக்கு இடையே தீயை கட்டுப்படுத்த முயற்சிகள் மேற்கொண்டு வருகின்றனர்.

தோல்விகளைச் சந்தித்து வந்த ஆஸ்திரேலியா மற்றும் இலங்கை கிரிக்கெட் அணிகள் இன்று ஆறுதல் வெற்றியடைந்துள்ளன.

சிட்னியில் நடைபெற்ற ஒருநாள்போட்டி ஒன்றில் ஆஸி. நியூசிலாந்தை 32 ஓட்டங்கள் வித்தியாசத்தில் வீழ்த்தியது. முன்னதாக நடந்த இரு ஆட்டங்களிலும் நியூசிலாந்து வென்று தொடரைக் கைப்பற்றியிருந்தது.

(சுருக்கமான ஸ்கோர்: ஆஸி: 301 ஓட்டங்கள்/50 சுற்றுகள். நியூஸி:269ஓட்டங்கள்/50சுற்றுகள்.)

கொழும்புவில் நடைபெற்ற ஆட்டமொன்றில் இலங்கை இந்தியாவை 68 ஓட்டங்கள் வித்தியாசத்தில் ஆறுதல் வெற்றிக்கண்டது. முன்னதாக நடந்த 4 ஆட்டங்களில் வென்று இந்தியா தொடரைக் கைப்பற்றியிருந்தது.

தொடர்ந்து 9ஆட்டங்களில் வெற்றியைச் சுவைத்த இந்திய அணிக்கு இது முதலாவது தோல்வியாகும்.

(சுருக்கமான ஸ்கோர்: இலங்கை:320ஓட்டங்கள்/50சுற்றுகள்
இந்தியா: 252ஓட்டங்கள்/50சுற்றுகள்.)

ஆஸ்திரேலியாவில் உள்ள தொழில் நிறுவனம் ஒன்று தனது ஊழியர் கழிவறையில் காகிதத்திற்குப் பதில் தண்ணீரைப் பயன்படுத்தியதால் அவரை பணி நீக்கம் செய்துள்ளதாக தகவல் வெளியாகி உள்ளது.