ஜெர்மானிய சொகுசு கார் தயாரிப்பாளர்களான 'ஆடி' நிறுவனம் Q5 என்கிற புதிய மாடல் காரை எதிர்வரும் ஜூன் மாதம் முதல் இந்தியச்சந்தையில் அறிமுகப்படுத்தத் திட்டமிட்டுள்ளது.

இப்போது இந்திய சந்தையில் கிடைத்துக்கொண்டிருக்கும் ஆடியின் ஒரே ஸ்போர்ட்ஸ் மாடல் கார் Q7 தான். மக்கள் அதைவிட சிறிய ஸ்போர்ட்ஸ் மாடல் கார் வேண்டும் என்று விரும்பியதால், Q5 மாடல் காரை இந்தியாவில் அறிமுகம் செய்வதாக அந்நிறுவன அதிகாரி தெரிவித்துள்ளார்.

ஜெர்மனியில் 30,000 முதல் 50,000 யூரோக்கள் இந்திய மதிப்பில் ரூ.19,50,000 முதல் ரூ.32,50,000 வரையுள்ள விலையில் இக்கார்கள் கிடைக்கின்றன. அங்கு நான்கு மாடல்களில் இக்கார்கள் விற்பனையில் உள்ளன. இந்தியாவில் விற்பனைக்கு இப்போதைக்கு இரண்டு மாடல் Q5 களே அறிமுகப்படுத்தப்படவுள்ளன.

ஜெர்மனியில் இங்கல்ஸ்டாட்டில் இருக்கும் 'ஆடி'தொழிற்சாலையில் முற்றிலுமாக தயாரிக்கப்பட்டே இக்கார்கள் இந்தியாவுக்கு ஏற்றுமதி செய்யப்படும் என்றும் தெரிவிக்கப்பட்டுள்ளது