கடல்வாழ் உயிரினங்களின் நிரந்தர காட்சியகம் ஒன்று ரூ.2.50கோடி செலவில் கொடைக்கானலில் அமைக்கப்பட உள்ளது. இந்தியாவிலேயே முதலாவதாக இது இருக்கும். கோவையைச் சேர்ந்த தனியார் நிறுவனம் ஒன்று இதில் ஆர்வங்காட்டி வருகிறது.

இதற்காக நகராட்சிக்குச் சொந்தமான ஏரியொன்றின் அருகிலுள்ள கலையரங்கம் கையகப்படுத்தப்பட்டு பணிகள் தொடங்கப்பட்டுள்ளன.

ரூ.2.5கோடி செலவில் அமைக்கப்படவிருக்கும் இக்காட்சியகத்தில் 300க்கும் மேற்பட்ட கடல்வாழ் உயிரினங்களும், தாவரங்களும் இடம்பெறும் என்று திட்ட அதிகாரி ஒருவர் தெரிவித்தார். சுற்றுச்சூழல் பாதுகாப்பு கெடாதவகையில் இது அமைக்கப்படும் என்றும் அவர் தெரிவித்தார்.