அமெரிக்க இராணுவ தளம் மூடல் இறுதியானது:
Published on சனி, 7 பிப்ரவரி, 2009
2/07/2009 02:44:00 AM //
அமெரிக்கா,
ஆப்கானிஸ்தான்,
உலகம்,
கிர்கிஸ்தான்,
Afganistan,
America,
World
அமெரிக்க இராணுவ விமான தளம் மூடுவது உறுதி செய்யப்பட்டுவிட்டது என்று கிர்கிஸ்தான் அரசு மீண்டும் கூறியுள்ளது.
கிர்கிஸ்தானில் உள்ள அமெரிக்க இராணுவ விமான தளம் மூடப்படும் என்று கிர்கிஸ்தான் அதிபர் குர்மன்பக் பகியேவ் செவ்வாய் கிழழை அறிவித்தார். அமெரிக்காவுக்கு இவ்வறிவிப்பு நெருக்கடியை ஏற்படுத்தியது. கிர்கிஸ்தானுடன் பேச்சுவார்த்தை நடந்து கொண்டிருக்கிறது என்று அமெரிக்கா கூறி வரும் நிலையில் கிர்கிஸ்தான் தன்னுடைய முடிவை மீண்டும் உறுதி செய்திருக்கிறது.
இராணுவ விமான தளத்தை மூடும் முடிவு இறுதி செய்யப் பட்டுவிட்டது என்று கிர்கிஸ்தான் அரசின் செய்தித் தொடர்பாளர் அய்பக் சுல்தான்காஜியேவ் வெள்ளிக் கிழமையன்று தெரிவித்தார். கிர்கிஸ்தானில் உள்ள அமெரிக்க தூதர கிர்கிஸ்தானின் வெளியுறவுத் துறை அமைச்சகமும் இதுகுறித்த கருத்துக்களையே பறிமாறிக் கொண்டிருப்பதாகவும் விமான தளத்தை தொடர்ந்து இயக்குவது குறித்து அவர்கள் பேசிக் கொள்ளவில்லை என்றும் அவர் கூறியுள்ளார்.
ஆப்கானில் உள்ள அமெரிக்க கூட்டுப்படையினருக்குத் தேவையான இராணுவத் தளவாடங்கள் மற்றும் உணவுப் பொருட்கள் பாகிஸ்தானின் கைபர் பாதை வழியாகவும் கிர்கிஸ்தான் வழியாகவுமே அனுப்பப் பட்டு வந்தன. ஏற்கனவே கைபர் பாதையில் தாலிபான் ஆதரவாளர்கள் நடத்தும் தாக்குதலால் பொருள்கள் வருவதில் சிக்கல் நிலவி வருகிறது.
இந்நிலையில் ரஷ்யா மற்றும் தஜிகிஸ்தான் வழியாகப் பொருள்களை அனுப்ப பேச்சுவார்த்தை நடந்து கொண்டுள்ளதாகக் கூறப்படுகிறது. ஆனால் தஜிகிஸ்தான் தங்களுடைய நாட்டின் வழியாக இராணுவத் தளவாடங்கள் கொண்டு செல்ல அனுமதிக்க மாட்டோம். உணவுப் பொருட்கள் கொண்டு செல்லலாம் என்று கூறி உள்ளது.
