தமிழ் திரைப்பட இயக்குநர் சீமான் இன்று மீண்டும் கைது செய்யப்பட்டுள்ளார். காங்கிரஸ் கட்சியினர், இயக்குநர் சீமான் விடுதலைப்புலிகளை ஆதரித்தும், மறைந்த முன்னாள் பிரதமர் ராஜீவ் காந்தியை தாக்கியும் பேசியதையடுத்து, அவரை கைது செய்ய வேண்டும் என்று தெரிவித்த புகாரின் அடிப்படையில் இந்த கைது நடவடிக்கை எடுக்கப்பட்டுள்ளதாக செய்திகள் தெரிவிக்கின்றன.

இலங்கை பிரச்சனை தொடர்பாக ராமேஸ்வரத்தில் நடந்த திரைப்பட கலைஞர்கள் பொதுக் கூட்டத்தில் ஆவேசமாக பேசிய இயக்குனர்கள் சீமான், அமீர் ஆகியோர் கைது செய்யப்பட்டு நிபந்தனை ஜாமீனில் விடுதலை செய்யப்பட்டனர்.

இயக்குநர் சீமானை குண்டர் சட்டத்தில் கைது செய்து நடவடிக்கை எடுக்க வேண்டும் என காங்கிரஸ் கட்சியின் தமிழ் மாநிலத் தலைவர் தங்கபாலு அறிக்கை மூலம் தமிழக அரசைக் கேட்டுக் கொண்ட நிலையில இக்கைது நடவடிக்கை மேற்கொள்ளப்பட்டுள்ளது.