பாலஸ்தீனத்தின் காஸா பகுதியில் இஸ்ரேலின் தாக்குதல் மூன்றாவது நாளாக இன்றும் தொடர்கிறது. இதுவரை விமான தாக்குதல் மட்டுமே நடத்தி வந்த நிலையில் காஸாவின் எல்லை அருகே இஸ்ரேலிய இராணுவம் குவிக்கப்பட்டு வருகிறது.

இஸ்ரேலிய வெளியுறவு அமைச்சர் லிவ்னி கூறுகையில், "இந்த போர் ஹமாஸ் மற்றும் ஆயுதம் ஏந்திய பல்வேறு குழுக்களுக்கும் இஸ்ரேலுக்கும் இடையில்தான். ஆனால் போரில் பொதுமக்களும் கொல்லப்படுவது தவிர்க்க முடியாதது" என்று கூறினார். காஸா பகுதியை ஆக்ரமிப்பது எங்கள் நோக்கம் இல்லை என்றும் அவர் கூறினார்.

இதுவரை 300க்கும் அதிகமானோர் கொல்லப்பட்டுள்ளதாகத் தகவல்கள் தெரிவிக்கின்றன. இதில் 5 சதவீதத்தினர் குழந்தைகள் எனவும் மொத்தம் 51 பொதுமக்கள் கொல்லப்பட்டுள்ளதாகவும் ஐ.நா. அதிகாரி ஒருவர் கூறினார்.