கம்யூனிச கொள்கைகளைக் கொண்டு ஆட்சி நடத்தப்பட்டு வரும் சீனா, தன்னுடை பொருளாதாரத்தில் சில மாற்றங்களைக் கடந்த 30 ஆண்டுகளுக்கு முன் செயல்படுத்தத் தொடங்கியது. இந்த மாற்றத்தின் 30ஆம் ஆண்டு விழா இன்று பெய்ஜிங்கில் சீன கம்யூனிசக் கட்சியின் தலைவரும் அந்நாட்டின் அதிபருமான ஹூஜின்டாவின் உரையுடன் நடைபெற்றது.

கடந்த முப்பதாண்டுகளின் சீனப் பொருளதார வளர்ச்சியைப் புகழ்ந்த அவர், பொருளாதார சீர்திருத்தத்தின் மூலமே இதனை அடைந்தோம். அதனை மேலும் தொடர்வோம் எனக் குறிப்பிட்டார்.

அமெரிக்கா, ஜப்பான், ஜெர்மனி ஆகியவற்றுக்கு அடுத்த நிலையில் இன்று சீனப் பொருளாதாரம் இருக்கிறது. 1978ஆம் ஆண்டு சீன தனிநபர் வருமானம் 380 யுவான் என்ற நிலையில் இருந்து இன்று அதன் தனிநபர் வருமானம் 19,000 யுவான் என்ற அளவில் மாற்றம் பெற்றிருக்கிறது என்பது குறிப்பிடத் தக்கது.