Inneram.com

மலேசியப் பிரதமர் பதவி விலகினார்!

மலேசியப் பிரதமர் அப்துல்லா அஹமது பதாவி இன்று திடீரென தனது பதவி விலகலை அறிவித்துள்ளார். மலேசிய மன்னரிடம் இன்று அவர் தனது விலகல் கடிதத்தை ஒப்படைத்தார்.
ஆளும் கட்சியில் அவருக்கு செல்வாக்கில் கடும் சரிவு ஏற்பட்டதாலும், முன்னாள் பிரதமர் மஹாதீர் முஹம்மதுடன் கருத்து வேறுபாடு ஏற்பட்டதாலும் அவர் இம்முடிவை மேற்கொண்டதாகத் தெரிகிறது.

இதையடுத்து துணை பிரதமர் நஜீப் ரஸாக் புதிய பிரதமராக பதவி ஏற்பார் என்று தெரிகிறது. நஜீப் முன்னாள் பிரதமர் அப்துர் ரஸாக்கின் மகனார் என்பது குறிப்பிடத்தக்கது.

மலேசியாவைச் சேர்ந்த இரட்டையர் ஒருவரைப் போலவே இன்னொருவர் இருந்ததால் மரண தண்டனையிலிருந்து தப்பினர்.

மலேசியாவைச் சேர்ந்த சதீஷ் ராஜ், சபரீஷ் ராஜ் என்ற இருவரும் இரட்டையர்கள். இருவரும் அச்சு அசலாக ஒருவரைப் போல் இன்னொருவர் இருப்பர். 2003-ஆம் ஆண்டு இவர்களில் ஒருவர் 166 கிலோ கஞ்சாவையும் 2 கிலோ ஓப்பியம் போதைமருந்தையும் வைத்திருந்த போது பிடிபட்டார்.

இரட்டையரில் இன்னொருவரும் குற்றம் நிகழ்ந்த இடத்திலேயே கைது செய்யப்பட்டடதும், அரசு தரப்பு வழக்குரைஞர்கள் இரட்டையரில் எவர் குற்றம் செய்தவர் என நிரூபிக்க இயலவில்லை. மரபணு சோதனைகள் மூலமும் குற்றம் இழைத்தவர் இன்னார் தான் எனத் தெளிவாக நிரூபிக்க இயலவில்லை.

போதை மருந்துகள் கடத்தலுக்கு மலேசிய சட்டப்படி மரண தண்டனை விதிக்கப்படும். இருப்பினும் சதீஷ், சபரீஷ் இரட்டையரில் குற்றம் இழைத்தவர் இன்னார் எனத் தெளிவாக நிரூபிக்கப்படாததால், அநியாயமாக ஒரு நிரபராதி தண்டிக்கப்படக் கூடாது என்பதால் இருவரையும் விடுதலை செய்து உத்தரவிடுவதாக நீதிபதி தீர்ப்பு வழங்கினார்.