Inneram.com

மும்பையில் தீவிரவாதிகள் கடல் வழியாக வந்து தாக்குதல் நடத்திய சம்பவத்தை முன்னிட்டு கடலோரப் பாதுகாப்பை பலப்படுத்த இந்திய அரசு முடிவு செய்திருந்தது.இதற்காக நவீன ரோந்து விமானங்களையும், கப்பல்களையும் வாங்க முடிவு செய்துள்ளனர்.

அமெரிக்காவின் 'போயிங்கோ பி-81' விமானத்தை வாங்க முடிவு செய்தனர். இதற்கு அமெரிக்க நாடாளுமன்றமும் ஒப்புதல் அளித்துள்ளது.


இந்தியா மொத்தம் 8 விமானங்களை வாங்குகிறது. இவற்றின் மொத்த விலை ரூ. 10 ஆயிரம் கோடி. இதே போல ரோந்து படகுகளையும் பல்வேறு நாடுகளிலிருந்து வாங்க திட்டமுள்ளதாம்

கடல் வழியாக தீவிரவாதிகள் நாட்டினுள் நுழைவதைத் தடுக்கும் வகையில் கடலோரப் பாதுகாப்பு தீவிரப்படுத்தப்படும் என்று உள்துறை அமைச்சர் ப.சிதம்பரம் தெரிவித்துள்ளார்.

உள்ளூர் காவல்துறை, கப்பற்படை, கடலோர காவல்துறை மூன்றும் இணைந்த கமாண்டோ படை ஒன்று உருவாக்கப்படும் என்ற ப.சிதம்பரம், இப்பாதுகாப்பை பலப்படுத்த உள்ளூர் மீனவர்கள் ஒத்துழைப்பு நல்க வேண்டும் என்றும் கேட்டுக்கொண்டுள்ளார்