Inneram.com

ஆப்கனில் பயங்கரவாததிற்க்கு எதிரான அமெரிக்க மற்றும் நேடோ நாடுகளின் ராணுவ நடவடிக்கை தொடரும் என அமெரிக்க அதிபர் பாரக் ஒபாமா அறிவித்துள்ளார். நேடோ நாடுகளின் உச்சநிலை மாநாட்டிற்கு பின் செய்தியாளர்களிடம் பேசிய அமெரிக்க அதிபர், ராணுவ வீரர்களின் அதிக அளவில் அனுப்ப நேடோ நாடுகளிடையே சுமூகமான ஒப்பந்தம் ஏற்பட்டதாகவும் தெரிவித்தார்.

எதிர்வரும் பாராளுமன்ற தேர்தலில் சரத் குமார் நெல்லை தொகுதியில் தாமரை சின்னத்தில் போட்டியிடப் போவதாக அரசியல் வட்டாரங்களில் பரபரப்பாக பேசப்பட்டு வருகிறது. நாடார் இனத்தை சார்ந்த சரத், நெல்லை தொகுதியில் போட்டியிடுவது உறுதியானால், நாடார் இன மக்களின் ஓட்டுகளை கனிசமாக பிரித்துவிடுவார் என்றும், இதனால் தி.மு.கவின் வெற்றி பாதிக்கப்படலாம் என அரசியல் நோக்கர்கள் கூறிவருகின்றனர். இதனிடையே, திமுக மற்றும் அதிமுக கூட்டனிகளில் சேரமுடியாத பாஜக, சிறு, சிறு கட்சிகளை தனது கூட்டணிக்கு கொண்டு வர முயல்வதாகவும் கூறப்படுகிறது.

நியூலிலாந்தின் வெலிங்டன் நகரில் நடைபெற்றுவரும் மூன்றாவது டெஸ்ட் போட்டியில், இந்திய வீரர்களின் அபார பந்து வீச்சால் நியூலிலாந்து முதல் இன்னிங்ஸில் 197 ரன்கள் மட்டும் எடுத்து ஆட்டம் இழந்தது. வேகப்பந்து வீச்சாளர், ஜாகிர்கான், அபாரமாக பந்து வீசி 5 விக்கெட்டுகளை வீழ்த்தினார். ஹர்பஜன் 3 வீக்கெட்டுகளை வீழ்த்தினார். முனாப் மற்றும் இஷாந்த் தலா ஒரு விக்கெட் எடுத்தனர். பின்னர் தனது இரண்டாவது இன்னிங்ஸை துவங்கிய இந்தியா, ஒரு விக்கெட் இழப்பிற்கு 51 ரன்கள் எடுத்து இருந்தது. ஒருதின போட்டியில் தனது அதிரடியான ஆட்டம் மூலம் நியூலிலாந்தை சிதறடித்த, சேவாக், டெஸ்ட் போட்டிகளில் சொற்ப ரன்களில் ஆட்டம் இழந்து வருவது குறிப்பிடத்தக்கது.