மதிமுகவிலிருந்து கட்சியின் மூத்த தலைவரும், சட்ட சபை மதிமுக தலைவருமான மு. கண்ணப்பன் விலகிவிட்டார். மேலும், தனது எம்.எல்.ஏ பதவியையும் ராஜினாமா செய்து கட்சியின் பொது செயலாளர் வைகோவிற்கு அனுப்பிவிட்டார். சில மாதங்களாக வைகோவுடன் ஏற்பட்ட கருத்து வேறுபாடு காரணமாக கட்சி நிகழ்ச்சியில் விலகியிருந்த அவர், சென்ற மாதம் முதல்வர் கருனாநிதியை உடல்நலம் விசாரிக்க சென்ற பொழுது, வைகோவின் அனுமதி பெறாமல் சென்றதாகவும், இதனை தொடர்ந்து வைகோவுடனான கருத்து வேற்பாடு உச்சக்கட்டத்தை அடைந்ததாகவும், இதனையடுத்து அவர் விலகல் முடிவை எடுத்ததாக கூறப்படுகிறது. ஏற்கனவே மதிமுகவிலிருந்து மூத்த தலைவர்கள், எல்.ஜி மற்றும் செஞ்சி ராமச்சந்திரன் போன்றோர் விலகிய நிலையில், கண்ணப்பன் விலகல் அக்கட்சியில் பாதிப்பை ஏற்படுத்தும் என அரசியல் நோக்கர்கள் எதிர்பார்க்கின்றனர்.