'இளைஞர்கள் தங்களின் ஓட்டுரிமையை பதிவு செய்ய வேண்டும். ஓட்டளிப்பதை தவிர்க்கக் கூடாது' என, பிரசாரம் செய்வதற்காக பிரபல கிரிக்கெட் வீரர் தோனியை, தங்களின் விளம்பர மாடலாகப் பயன்படுத்த தேர்தல் கமிஷன் பரிசீலித்து வந்தது.

ஓட்டளிப்பதை தங்களின் உரிமை மற்றும் கடமை என்பதை மக்கள் உணர வேண்டும். குறிப்பாக, இளைஞர்கள் இதை உணர வேண்டும்.

அவர்கள் தங்களின் ஓட்டுரிமையை பதிவு செய்யும்படி தூண்டுவதற்காக, அரசியல் பின்னணி இல்லாத பிரபல நடிகர்கள் மற்றும் கிரிக்கெட் வீரர்களை கொண்டு விளம்பரப் படம் தயாரித்து, அது பல இடங்களிலும் ஒளிபரப்பப்பட உள்ளது.

இதற்கான விளம்பர மாடலாக பிரபல கிரிக்கெட் வீரர் தோனி உட்பட சிலரை தேர்வு செய்வது குறித்து தேர்தல் கமிஷன் பரிசீலித்து வந்தது.

இன்றைய இளைஞர்களின் நட்சத்திர நாயகனாக விளங்கும் தோனியும் சம்மதம் தெரிவித்ததால், இவ்விளம்பரம் மக்கள் மத்தியில் பிரபலம் அடையும் என்று தேர்தல் கமிஷன் நம்பிக்கை தெரிவித்துள்ளது.