இந்தியாவின் 12 ஆம் நாடாளுமன்றத்தைத் தேர்ந்தெடுக்கும் பொதுதேர்தல் எப்போது என்ற அறிவிப்பை நடுவண் தேர்தல் ஆணையம் இன்னும் இரண்டொரு தினங்களில் வெளியிடும் என்று தெரிகிறது.

தேர்தல் ஆணையர்களில் ஒருவரான நவீன்சாவ்லா விடுப்பில் உள்ளதால், அவர் பணிக்குத் திரும்பியதும் தேர்தல் தேதி குறித்த அறிவிப்பு வெளியாகும் என்று சொல்லப்படுகிறது.

மேலும், தலைமை தேர்தல் ஆணையர் கோபால்சாமி ஏப்ரல் 20ம்தேதி ஓய்வு பெற இருப்பதால் தேர்தல் அதற்கு முன்பாகவே இருகட்டங்களாக நடத்தப்படலாம் என்று தேர்தல் ஆணைய வட்டாரங்களை மேற்கோள் காட்டி செய்தி வெளியாகியுள்ளது.

இம்முறை தேர்தலுக்கான செலவு ரூ.15,000 கோடியாக இருக்கும் என்று மதிப்பிடப்பட்டுள்ளது.