மாதம் ரூ. 4.30 இலட்சம் சம்பளம் பெற்றுக்கொண்டிருந்த தனது விமானிகள் அனைவருக்கும் ரூ.80,000/= குறைவு செய்து கிங்ஃபிஷர் விமான நிறுவனம் அறிவித்துள்ளது.

டெக்கான் ஏர்வேய்ஸ் நிறுவனத்தை தன்னுடன் இணைத்துக்கொண்ட கிங்ஃபிஷர் நிறுவனம், டெக்கான் நிறுவன விமானிகள் பெற்ற சம்பள விகிதத்துடன் சமப்படுத்துவதற்காக தனது விமானிகளுக்கும் சம்பளக் குறைப்பு முடிவை எட்டியதாக நிறுவன அதிகாரி ஒருவர் தெரிவித்துள்ளார்.

இம்முடிவு விமானிகளிடையே கடும் அதிருப்தியை ஏற்படுத்தியிருப்பதாகவும், 600 விமானிகளை உறுப்பினர்களாகக் கொண்ட அமைப்பொன்று நீதிமன்றத்தை நாடவிருப்பதாகவும் செய்திகள் தெரிவிக்கின்றன.