உலக நாடுகள் மற்றும் உலக நாடுகளின் பல்வேறு அமைப்புகளும் தாக்குதலை நிறுத்தக் கோரியும் அவர்களின் கோரிக்கையை ஏற்காமல் நாள்தோறும் பாலஸ்தீனியர்களைக் கொன்று குவிக்கிறது.

தாக்குதலின் 6ஆம் நாளான இன்று பாலஸ்தீனத்தின் ஆளும் கட்சியான ஹமாஸ் இயக்கத்தின் முக்கியப் பொறுப்பாளரான நிஜார் ரயான் (வயது 52) என்பவர் கொல்லப்பட்டதாக தகவல்கள் கூறுகின்றன. இவர் 5 பேர் அடங்கிய ஹமாஸ் இயக்கத்தின் உயர்மட்டக் குழுவின் உறுப்பினர் ஆவார். இவர் தங்கியிருந்த 8 மாடிக் கட்டிடத்தின் மீது வீசப்பட்டக் குண்டில் இவரும் மற்ற 12 பேரும் கொல்லப் பட்டதாகத் தகவல்கள் கூறுகின்றன. கொல்லப்பட்டவர்களில் இவரது இரு மனைவிகள் மற்றும் நான்கு குழந்தைகளும் அடங்குவர் என்று தகவல்கள் கூறுகின்றன.