மும்பை தீவிரவாதத் தாக்குதலில் தொடர்புடைய பாகிஸ்தானை மையமாகக் கொண்டு இயங்கும் தீவிரவாத இயக்கங்களைக் குறித்த ஆதாரங்களுடன் மத்திய உள்துறை அமைச்சர் ப.சிதம்பரம் அடுத்த வாரம் அமெரிக்கா செல்ல இருக்கிறார்.அவர் செல்லும் தேதி இதுவரை நிச்சயிக்கப்படவில்லை.

அதனைக் குறித்துச் சிதம்பரம் கூறும்பொழுது, "அடுத்த வாரம் அமெரிக்கா செல்ல இருக்கும் தேதி விரைவில் நிச்சயிக்கப்படும். மும்பை தீவிரவாதத் தாக்குதல் தொடர்பான மேலும் ஆதாரங்களை வெளியுறவு துறை அமைச்சகம் திரட்டி வருகிறது. இது தொடர்பாக அமெரிக்கத் தலைவர்களுடன் ஆலோசனை நடத்துவோம்" எனக் கூறினார்.

கடந்த தினம், மும்பை தாக்குதலில் தொடர்புடைய பாகிஸ்தான் தீவிரவாதிகளை இந்தியாவுக்குக் கொண்டு வர வேண்டிய கட்டாயம் இல்லை எனவும் அவர்களைப் பாகிஸ்தானில் வைத்தே விசாரணை செய்யலாம் எனவும் அமெரிக்கா கூறியிருந்தது.